malkapuram high school

మల్కపురం హైస్కూల్ నందు 24-8-11 నాడు రచయిత సత్యశోధన విషదీకరణ ప్రతుల పంపిణీ జరిగింది. ఉప ప్రధానాచార్యులు శ్రీ బిక్షపతి గారు తమ శ్రావ్య పద్య పఠనంతో అందరినీ ముగ్ధుల్ని చేశారు. ఉపాధ్యాయులు ,విధ్యార్థులు సహకరించారు.

జైత్రయాత్ర--1

సత్య శోధన శతకము 20 ప్రతులు & రచయిత ఉపన్యాసము 20-8-2011 నాడు స్తానిక చెల్పూర్ ప్రభుత్వ పాఠశాలలో 11గం. నుండి 12 గం. వరకు జరిగింది. రచయిత వివరణలతో కూడిన విశ్లేషణకు ప్రధానోపాధ్యాయుడు మరియు స్టాఫ్ రచయితను అభినందించారు. శతకమును అర్థము చేసుకొని రచయిత ఆశయాన్ని నెరవేర్చాలని పిల్లలకు ఉద్భోధించారు . సుమారు 100 మంది 8,9,10 తరగతుల పిల్లలు హాజరయ్యారు.

వ్యక్తిత్వం

వ్యక్తిత్వం మలచుకో

అది దేదీప్యమానమై నిన్ను నిలబెడుతుంది

ఒంటి స్థంభం మేడ మీది గాజుదీపంలా

సుదూరతీరాల బాటసారులకు

కల్లోల తరంగాల్లో తల్లఢిల్లుతున్న నావలకు

సంచార గ్రహాలకు గమ్యస్థానమై

దిశానిర్దేషం చేస్తుంది

ఒక బాపూ , ఒక కేసరి ఇంతటితో సరి

అవకుండా తరతరాలు వేలిగే సిరి

అల్లూరి , బోసయ్యలు

అయినారిట దిక్సూచిలు

ఆచరణే ప్రామాణికం

సంఘజీవితానికదిముఖ్యం

కాలపుపెట్టెలోని ప్రాణం

గడువు తీరిపోయినా గమిస్తుంది లక్ష్యం ( 2007 లో వ్రాయబడింది )

ముద్ర

(రచనా కాలం 18-10-2008)
ప్రకటనల ఆధునికతకై తహ తహ
రిలయన్స్ రస్నాల బాసట
విమల్ తో వినూత్న విజయం .
ఒడిదుడికులు జయాపజయాలు
మిట్టపల్లాలు. గుణపాఠాలు
కఠోర దీక్షతో అంతర్మధనం
అంతర్ముఖంతో సవరణలు
సమిష్టి నాయకత్వమే
విజయాల పరంపరల వెల్లువ
ముద్ర మైకాలుగా పంటకాలువ
ఎజికె గా రచనల పరం పర
నిజాయితీగా లోపాల సవరణ బిరబిర
ఎంతటిస్తాయికెదిగినా మూలాలు మరవని వాడవుర
కష్టాల కడలిని దాటిన ధీరుడౌర
జేజేలతో జనాల నోటవచ్చె ఔరౌర

ధీరుడు

పెద్ద దిక్కు లేనివాడు పేదరికం బరువు వాడు
చదువు సంధ్య రాని వాడు షెల్ లో బంధీగా గడిపినాడు
వ్యాపారపు మెళుకువలను ఆకళింపు చేసుకొన్న చిన్నవాడు
పాలియెస్టర్ ప్రత్యేకత ప్రతిభతో వీక్షించెను
పట్టుబట్టి ప్రభుతతో దిగుమతులే నిషేధించెను
దేషంలో వస్త్ర పరిశ్రమకు తానే దిక్కై ప్రకాశించెను
త్రిలక్షల సామాన్యుల కోటీశ్వరుల మార్చ బాట జూపెను
ప్రత్యర్థులు గర్జించిరి పతనానికి వలపన్నిరి
వి.పి.తో కూడికయి వాడవాడ పొగబెట్టిరి
కోర్టుల్లో యిరికించి గోల్ మాల్ చేయజూస్రి
పక్షవాత గడబిడతో పడగొట్టే పట్టుబట్టిరి

పుంజుకొనెను విశ్వాసం పూనుకొనెను సామర్థ్యం
రిలయెన్సును ఎగరేసెను కప్పులతో క్లిప్పులతో
పెట్రోల్ పంపులోని కుర్రవాడు పెట్రో ఇండస్ట్రీగా ఎదిగినాడు
భారత పరిశ్రమ రంగానికి సూర్యునిగా మార్చినాడు
విజ్ఙ్తతో ముందుచూపుతో వారసులను తీర్చిదిద్దె
రిలయెన్సంటేనే నిజంగా ఆధారమని నిలబెట్టె
అంబా- నీ ఒడిలో విశ్రాంతిగ కన్నుమూసె
భరతమాత్ అశ్రుకణం పాతాళాగంగను చేరె

అవగాహన---- ఆవాహన

బతుకమ్మ దీవెనలు
బతుకంతా సాగాలి
బతికి బతికించే
సంస్కృతినే నిలపాలి

దుర్మార్గపు దోపిడీల
కోటరీలు కూల్చాలి
అందరిలో ఆనందం
అనంతంగ తొణకాలి
సమ్మక్క సారక్కలు
అస్థిత్వపు వేగుచుక్కలు
కాళోజీ దాశరథులు
పోరాటపు ధృవతారలు
అందెశ్రీ గద్దర్ లు
పోరాతపు తెరచాపలు
అలుపెరుగక పాడినారు
అధిరిపాటు ఓర్చినారు
జయరాజే జయగీతం
జనజీవన ఆరాటం
గోరేటి బాలకిషన్
జనం కొరకు పరేషాన్
దేశపతి జూలూరి
అహర్నిషలు పలవరించి
కలవరించి కళవరించి
ఎత్తిరదిగొబేజారై
శ్యాంబెనగళ్ శంకర్ లూ
బతుకులోని వంకర్లూ
తెరపైనే చూపెట్టిరి
తొవ్వ కోసం తొడ గొట్టిరి
జయశంకర్ కోదండరాం
ఐక్య పోరాట వేదికలు
తెలంగాణ సారమంత
అస్థిత్వపు పోరుమంట
తెలంగాణ తీరుచూడిరి
తెలివితోటి మసులుకోండ్రి
(జూలై ,2011 లో వ్రాసింది )

సత్య శోధన శతకము

సత్య శోధన శతకము
ఈ శతకం లో అనేక శాస్త్ర విజ్ఞాన విషయాల గురించి ,శాస్త్రజ్ఞుల గురించి ఆటవెలది పద్యాల్లో వివరించారు డా// కాసర్ల రంగారావు గారు.

ఈ శతకాన్ని " శాస్త్ర విజ్ఞానాన్ని సంస్క్రతి తో మేళవించి మానవ నాగరికతను ఉచ్ఛ: స్థితికి తీసుకుపోయిన మహా మహులందరికీ " అంకితమిస్తున్నానని రాసారు .

శాస్త్రపరిశోధనల్లో శిఖరాయమానం గా వెలిగిన కొంతమంది శాస్త్రవేత్తల గురించి ,వారు సాధించిన విజయాల గురించీ ఈ శతకం ద్వారా తెలుసుకోవచ్చు.

ప్రతులకు: రచయిత,ఇ-33,కె.టి.పి.పి. కాలనీ, కె.టి.పి.పి. చెల్పూర్, ఘణపురం(ములుగు) మండలం, వరంగల్లు జిల్లా, 506168

(సాహితీ కౌముది జులై 2011,పేజి నెం. 35)

భాషాంజలి

నా భాషాంజలి ఇక్కడ ఫోల్డర్ రూపం లో వుంది

విశ్వ నరుడివి నువ్వే

విశ్వ నరుడివి నువ్వే


సీ విశ్వనరుడనని వివరించగా నీవు
గోరాతో వియ్యము గూడినావు
హేతువాద పటిమ హెచ్చెనట్లు తలచి
భావ విప్లవములు బహుళ హెచ్చె
అశ్వహృదయ నీదు హాసము చేతనె
శారదాంబ మదికి స్వస్థతిచ్చె
పద్మభూషణ నీకు పద్యమబ్బెను చూడ
పలుగాకులకు నోళ్ళు బందులయ్యె
తే:గీ: వివిధ రచనల చేతను విక్రమించ
వాణి ముద్దుల కొడుకుగ వాసికెక్క
చరిత మార్చిన వాడుగ చరితకెక్కి
గొప్పతనమునకు నిన్నిల గురుతు కొంద్రు

సీ: వచన కవితలని వాక్యాలు వ్రాసిరి
కవితలను ఖంగాళి కలిపినారు
భావపుష్టియు లేదు పద దృక్పథము లేదు
శబ్ద సౌందర్యమసలుగ లేదు
లేదు లేదనకుండ లిపివస్తేచాలని
బరికేది కవితలై పరువు నిడున
తెలుసుకొని తెలివి తెచ్చుకోవోయినీ
తెలుగు భాషకు సేవ తెలియపరచు


ఆ//వె// మాతృభాష వెలుగు మనిషికి తేజము
భాషలన్ని నీవు పరిగణించు
స్వంత భాష నీకు స్వాతిశయము కాద
తెలుగు కొరకు నీవు దీక్షగొనుము
మహాకవి జాషువా కవితా వైభవం : వార్షికోత్సవ (22) ప్రత్యేక సంచిక పేజి నె: 54 ; ఫిబ్రవరి 2011
పద్మభూషణ్ గుఱ్ఱం జాషువా స్మారక కళా పరిషత్
దుగ్గిరాల, గుంటూరు జిల్లా

పుట్టపర్తి సత్య సాయి పై నా స్పందన

ఆత్మ పరమాత్మ దైవం ఆధ్యాత్మికం అన్నీ అబద్దం
ప్రేమ సేవ భక్తి పారవశ్యాలు ట్రస్ట్ ౧,౫౦౦౦౦ కోట్ల ఆస్తులు అన్నీ నిజం

మంచి వార్త

మంచి వార్త
"సత్య శోధన" శతక ఆవిష్కరణ, జాతీయ విజ్ఞాణ దినోత్సవం , 28-2-2011 నాడు కెటిపిపి సమావేష మందిరములో జరిగింది. ఆ అహ్లాదకర సాయం సమయంలో, సియి, యసిలు, డియిలు ,ఎడియిలు, ఎయిలు & యితర మిత్రుల సమక్షంలొ ( సా// 6 గం. నుం డి 7.20 వరకు ) జరిగిందీ . రచయితకు అభినందనలు ,సత్కారం జరిపినారు.

రి ఎం ట్రీ

నేను మల్లి బ్లాగు లోకి పుణ్: ప్రవేశం చేస్తాను