ముంపు జనులనెల్ల మోసపుచ్చొద్దని
చట్ట బద్ధ తల్ని సరిగ నేర్పి
మేలుకొనగజేసె మేధ పాటకరేగ
సత్యశోధన కిల సాటి కలదె
విశ్వ మంత తిరుగ వైజ్ఙాన పర్వంబు
శాస్త్ర జ్ఙాన తృష్ణ సలలితముగ
అమెరికాకు కూర్చె అత్యంత అమరిక
సత్యశోధన కిల సాటి కలదె
మొసలి పాములు తన మితృలే నన్నాడు
కౄర జంతువనిన కోపమేమి !?
చేపముల్లు గుండె చీల్చె ఇర్విను నేమి !?
సత్యశోధన కిల సాటి కలదె
జనక జన్యు రాగ సస్వరమాలిక
రాగ రంజితంబు రసమయంబు
బాల మురళి కృష్ణ బాగుచేయుట చూడు
సత్యశోధన కిల సాటి కలదె
ప్రజల కష్టములను సుజల ధారలు తీర్చు
నీరు లేక బతుకు దార్లు లేవు
నాగరీకమంత నారాయణము కదా
సత్యశోధన కిల సాటి కలదె
Subscribe to:
Post Comments (Atom)
Interesting
ReplyDelete